وصفة لإنبات الشعر من الجدر بالتجربة

بصراحة اخواتاتي انا كان شعري فن ومنين ولدت طاح ليا بزاف وكملتها بالرضاعة والفنيد ديال منع الحمل حتى مبقى فشعري ميتشاف وبقيت نقلب على شي وصفة حتى عطاتها ليا واحد صديقة ديالي وجربتها ونجحات وبغيت كاع لي وقع ليهم نفس المشكل استافدوا معايا

اليوم مغنطولش عليكم جيت وجبت معايا وصفة لانبات الشعر مجرباها وبقا تنديرها و عطات نتائج مدهلة وخا بقا كنرضع

المقادير

1- راس تاع التومة

2- كاس و نصف من الزيت الزيتون

طريقة تحضير الخلطة

نشدوا تومة نقيوها ونقطعوها على 2 في شي قرعة كتسد مزيان ونسخنوا زيت الزيتون غير شوية ونكبوه في القرعة

بعد دلك نحركوا القرعة مزيان ونوضعوها في شي بلاصة لمدة اسبوع حتى اسبوع ونصف وبعد دلك نبداو نشكوا بها شعرنا مرة في الاسبوع ونغسلوها مزيان بالشمبوا

بالنسبة الرائحة تتمشي بسهولة منين تتغسلي شعرك مزيان بالشمبوا

وهكدا كتبداي تشوفي الخلفة ديال الشعر