بشرتك ذهنية وفيك لتراس والحبوب وصفة سهلة ب 260 ريال غدي تهنيك

الحلبة البلدية خديها ودقيها وغربليها فغربال رقيق وبداي تخليطيها يا مع العسل الحر ولا دانون ولا الحليب وحتى الما تصلح معاه
وعمليها ماسك حتى تجف غسلي وجهك بالما الدافي ومن بعد دوزي عليه قطنة بالما ورد باش يحيد الريحة
انا اصلا وجهي مافيه لا حب ولا تراس ولا هم يحزنون خديتها وعملتها ورجعت لي جهي بحال البدر اللي شافني يقول لي اش عاملة وسري هو الحلبة البلدية
وواحد البنت الله يجازيها بخير معانا فالمنتدى اضافت واحد الوصفة مزيانة من بعد ما تعملي ماسك الحلبة خودي كريم مكون من ماء الورد مذوبة فيه صابونة الكف وغسلي بيه وجهك …
راه نصيحة من القلب مني ليكم ويّاكم تشوفو شي ماسك آخر وتنساو هذا على الاقل مرتين فالاسبوع راها كافيا ووافيا ..ووقت اللي تمشي للحمام اول حاجة عمليها الماسك وحتى تكملي وغسلي وجهك
اش حال كاع غادي تخسري فهاذ الماسك
100 متاع الحلبة
100 قرعة ما ورد
60 صابونة الكف
انا قطعتو شحال هاذي ومازال وجهي هو هو وغادي نبداه هاذ السيمانا واللي باغية تبداه مرحبا بيها وسهلا